Kode etikoa eta arautegiak
ONCE Gizarte Taldea Munduko Loteria Elkartea (WLA) eta Europako Loteria Elkartea (EL) nazioarteko partzuergoetako kidea da. Joko arduratsuaren printzipio zorrotzenak sinatu, garatu eta praktikatzen ditu, nazioartean onartutako hiru maximarekin hasten direnak.
- Jokorako sarbidea debekatzea adingabeei, ezgaituei edo jokorako sarbidea debekatuta dutenei
- Gehiegizko jokoa prebenitzea salmenta-sare guztietan
- Iruzurra, diru-zuriketa eta terrorismoaren finantziazioa prebenitzea
ONCE Gizarte Taldean, arduraz jokatzen ez denean jokoak izan ditzakeen arriskuak nabarmentzen ditugu; izan ere, gozamenagatik egiten ez denean, jokoa izateari uzten dio.
Pertsona gehienentzat, ausazko jokoak entretenimendu bat, zortea probatzeko modu bat edo besteekin erlazionatzeko jarduera bat baino ez dira, baina, bizitzako beste esparru batzuetan gertatzen den bezala, hainbat inguruabarrek gehiegizko praktikara edo praktika kaltegarri batera eraman dezakete jokatzen duen pertsona.
1992an Osasunaren Mundu Erakundeak (OME) jokoa joko oldarkorrean oinarritutako jokabide-nahasmendu bihur daitekeela onartu zuen, pertsonen bizitza menderatzeraino, haien familia-, gizarte-, ekonomia- eta lan-balioen eta betebeharren kaltetan. ONCEk, beraz, arrisku horiek saihesteko lan egiten du ekintza zabal baten bidez, honako modu hauetan:
- Aldizka, Joko Arduratsuaren programei buruzko informazioa ematen die langileei.
- Kontsumitzailearekin harreman zuzena duten langileek prestakuntza espezializatua jasotzen dute, zenbait elementu indartuta, hala nola adingabeei edo kreditu bidez saltzeko berariazko debekuak.
- Saltzaileak ez diren loteriak banatzeko kanaletako kideei prestakuntza ematea
- Bere loterien arrisku-maila aztertzen duen tresna erabiltzea, merkaturatzen hasi baino lehen diseinuak ebaluatu eta aldatzeko, arriskua ekidin edo parametro onargarrietan gera dadin
- Publizitatea eta marketina arautzeko kode bat ezartzea honakoak ekiditeko: adingabeen artean jokoa sustatzea, gehiegizko jokoa, informazio engainiagarria edo irabazteko aukerei buruzko iritzi faltsuak.
Bestalde, ONCEk elkarrizketa-estrategia bat definitu du joko arduratsuan dauden interes-taldeekin, horren ondoriozko ekarpenak integratzeko, eta Joko arduratsuari eta haren komunikazioari buruzko Ikerketa Katedra Berezi bat sustatu du Madrilgo Complutense Unibertsitateko adituekin batera, errealitate hori aztertzeko eta jardunbide onenak ezagutarazteko.
ONCEk bezeroen eskura jarri du JuegosONCE loteria-produktuetan parte hartzea nork bere buruari debekatzeko aukera, bai eta mugak jartzekoa ere, eta aldi berean, online aukeran araudian gomendatutakoa baino askoz ere erosketa-muga txikiagoa ezarri du. Eta akordio bat sinatu du FEJARekin (Zorizko Jokalari Errehabilitatuen Espainiako Federazioa, Espainian gehiengoa duen elkarte-erreferentzia), sentsibilizazio-kanpainak, jardunaldiak eta ekimenak abian jartzeko eta interesa dutenak bideratzeko.
Azkenik, Juegosonce.es webguneak so zerbitzu erabilgarriak eskaintzen ditu: 900 200 225 telefonoa, anonimoa, doakoa eta isilpekoa, joko-arazoetako identifikazioan eta esku-hartzean adituak diren pertsonen arreta eskaintzen duena; Jokoa Antolatzeko Zuzendaritza Nagusiarekiko (DGOJ) estekak, informazio gehiago ematen dutenak; Qustodio, guraso-kontroleko sistema bat, adingabeak zerbitzu horiek dituzten orrietara sar ez daitezen; edo arrisku-portaerak antzemateko sistema bat, autodiagnostikoko test baten bidez, nork bere errealitatea jakin ahal izateko.