ONCE Gizarte Taldean argitalpen, aldizkari, txosten, podcast, newsletter, mintegi…ugari ditugu.Atal honetan, nolakoak garen eta zer egiten dugun erakusten duten batzuk biltzen ditugu.
Honelakoak gara/ Así Somos
Txostena Balio Partekatua 2023
Avances en materia de discapacidad en la presidencia española de la UE
Profilak/Perfiles
Ikus-sarea
Servimedia
Discapnet
ONCE Fundazioaren Liburutegia
Irakurtzeak ez du jakinduriarik ematen, ezagutza ematen du.
ONCE Kultura podcasta:
Arroba Sonora podcasta:
Podcasta: ONCE Andaluzia:
Ilu Sonora podcasta: ONCE Catalunya:
Eredua gardentasunean eta argitasunean
ONCE Gizarte Taldean kudeaketako erabateko gardentasuna dugu ezaugarri duela zortzi hamarkada baino gehiago sortu ginenetik. Gure jarduera Espainia osoan eta herrialdetik kanpoko leku askotan gauzatzen da, eta, horietan guztietan, gizartearentzako kudeaketa garden eta hurbilaren alde aritzen gara. Horrela, jarduera osoaren kudeaketako informazio-gardentasunarekin gaude konprometituta, eta urtero memoriak argitaratuz eta eguneroko informazioan azalpen zorrotza ematen dugu herritarrei eskaintzen dizkiegun produktuen eta zerbitzuen zorro handi eta askotarikoari buruz eta gainerako jarduerei buruz. Hori guztia, ahaztu gabe gure kontuek urtero izaten duten auditoretza-maila handia, bai erakunde publikoen aldetik bai pribatuen aldetik.
Konpromiso horrek kudeaketa bikainaren esparruan dugun kokapena sendotzen du, bai eta ONCE Gizarte Taldearen izateko arrazoia ere, pertsona guztiei egiten diren jarduera eta jardunaldi guztien berri emateko.
Konpromiso horrek kudeaketa bikainaren esparruan dugun kokapena sendotzen du, bai eta ONCE Gizarte Taldearen izateko arrazoia ere, pertsona guztiei egiten diren jarduera eta jardunaldi guztien berri emateko.
Komunikazioak funtsezko zeregina du gure konpromisoaren barruan, ONCE Gizarte Taldearen Balio Partekatuari buruzko Txostena (IVC) aurkezten baitugu urtero. Hemen kontsulta ditzakezu zenbaki berrienak:
Deskargatu Balio Partekatuari buruzko Txostena, 2021 Deskargatu Balio Partekatuari buruzko Txostena, 2020 Deskargatu Balio Partekatuari buruzko Txostena, 2019
ONCE Gizarte Taldearen urteko memorien hemeroteka osoa
Txosten hori konpendio bat baino gehiago da, ekitaldi baten emaitza da eta, bertan, Gizarte, Enpresa eta Fundazio Talde honek sor ditzakeen baliabideak nolakoak diren azaltzen da, bai eta honakoen bitartez nola bideratzen diren, funtsean, pertsonen bizitza hobetzera ere: kalitatezko enplegua sortzeko proiektuak; adin guztientzako prestakuntza- eta garapen-programak; ekintzaileentzako laguntza; irisgarritasunaren garapena eta horren aldeko kontzientziazioa; autonomia pertsonalaren sustapena bizitzako arlo guztietan…
Balio Partekatuari buruzko Txostena bere argitasunagatik eta hurbiltasunagatik konfiantza-indize handiak sortzen dituen komunikazio bat da, eta mota askotako pertsonen kolektibo bati ahotsa ematen dio herrialde osoan zehar, hor baitaukagu ONCE Gizarte Taldean presentzia handia.
Geure baliabideak modu autonomo eta independentean sortzen ditugu. Ildo horretan, diru-sarreren % 70 loteria arduratsu, seguru eta sozialetatik datoz, eta gainerako % 30a ONCE Gizarte Taldea osatzen duten enpresen jarduerak sortzen du. Horrela, munduan bakarra den proiektu sozioekonomiko bat eratzen da, eta, bertan, askotariko sektoreak biltzen dira, hala nola Contact Center, Segurtasuna, Garbitegiak, Egoitzak, Hotelak, Retail, Soziosanitarioa eta Facility Services, besteak beste. Errentagarritasun ekonomikoa bilatzen da beti, baina, bereziki, desgaitasuna duten milaka pertsonaren enpleguaren bitartez inklusioa sortu ahal izateko.
Bestalde, gure loteriak erabat arduratsuak dira, ziurtapen- eta errekerimendu-lana egiten delako gizartearen esku jartzeko; seguruak dira, merkaturatzeko prozesua asko zaintzen delako, diseinu-fasetik salmentara arte; eta sozialak dira, baliabide guztiak desgaitasuna duten pertsonak gizarteratzeko erabiltzen direlako.
Loteria-modalitatetatik biltzen den euro bakoitzetik ( 2021eko datuak erabilita) % 55,1 sariak ordaintzera bideratzen da, % 32,9 soldata, gizarte-karga eta kudeaketa-gastuetara; % 9,6 zuzeneko gizarte-inbertsiora, pertsona itsuentzat edo beste desgaitasunen bat dutenentzat; eta % 2,4 etorkizun-inbertsiora. Beraz, kupoia eta gainerako joko-modalitateak dira ONCE Gizarte Taldeak bere eginkizuna egunero gauzatzea ahalbidetzen duten motorrak, bere marka-xedea posible egiten dutenak, hau da, desgaitasuna duten gero eta pertsona gehiagok ikus dezatela euren bizitzek beste edozein herritarrek dituen aukera berberak dituztela.