Gure xedea da persona itsuen edo beste desgaitasunen bat duten pertsonen autonomia pertsonala eta erabateko inklusioa lortzea, aukera-berdintasunaren printzipioaren pean. Eredu bermatzaile eta iraunkor bat sortuz egiten dugu, gizarte-ekonomian liderra dena, eta inklusioa, ekonomikoki eta sozialki, errentagarria dela egunero erakusten duena.
Desgaitasuna duten pertsonek beren aukerak sor ditzaten nahi dugu, aktore gisa eta ez ikusle huts gisa.
Berdinak da ONCE Gizarte Taldearen indar-ideia -horrekin idenfikatzen da bere helburua-, egunerokotasunean duen izateko arrazoia eta taldea osatzen dutenen jarrera laburbiltzen duen adierazpena.
Berdinak dira desgaitasunen bat duten eta ez duten pertsonak, eta aukera berberak eduki ahal direla ikusaraztean berdinak egiten dira: aukera berberak lanean, eskolan, kalean, etxean, bidaiatzen dutenean, Interneten nabigatzen dutenean, zerbitzu publikoak erabiltzen dituztenean, kultura eskuratzen dutenean, ekiten dutenean, diseinatzen eta sortzen dutenean, kirola egiten dutenean, ohiko zereginak egiten dituztenean, mugitzen direnean... berdinak aukeretan.
Egiten dugunaren helburura eramandako muin horrek honaino ekartzen gaitu, gizartearen egunerokoan egotera, eta etorkizunera eramango gaitu.
Helburua etorkizun askoz bidezkoagoa eta arduratsuagoa eraikitzea da, inor atzean utzi gabe, desgaitasuna berez diskriminazio-kausa izan ez dadin. Hori lortzen badugu, edozein pertsonak, bere egoera edozein dela ere, aukera berdinak izan ahalko ditu bizitzako edozein esparrutan, eta modu zuzen eta ekitatiboan eskuratu ahalko ditu lana, ikasketak edo zerbitzuak, baldintza berdinetan. Hori lortzeko, ONCE Gizarte Taldeak funtsezko lau ardatz azpimarratu ditu: prestakuntza, enplegua, gizarte-lana eta irisgarritasuna.
Mugitzen gaituzten balioak
ONCE Gizarte Taldeak bere indarra eta marka-jarrera transmititzen ditu balio multzo baten bidez: gardentasuna, elkartasuna, konfidentzialtasuna, ekitatea, konpromisoa, osotasuna, apaltasuna, errespetua, berrikuntza, erantzukizuna eta iraunkortasuna.
Gainera, Taldearen nortasuna eraikitzeko aukera ematen duten hainbat ezaugarri daude. Hori Oncelioren koloreen bidez islatzen da, Oncelio ONCE Gizarte Taldea den guztiaren isotipoa eta ikusizko irudikapena baita.
Amarillo
Verde
Rojo
Azul
Blanco
