O noso propósito é a consecución da autonomía persoal e plena inclusión das persoas con cegueira ou outras discapacidades baixo o principio da igualdade de oportunidades. Facémolo creando un modelo garante e sostible, líder en economía social, que demostra cada día que a inclusión é rendible, económica e socialmente.
Queremos que persoas con discapacidade xeren das súas propias oportunidades como actores e non como meros espectadores.
Iguais é a idea forza do Grupo Social ONCE, coa que se identifica o seu propósito, a súa razón de ser no seu día a día e a expresión que resume a actitude das persoas que o integran.
Iguais son as persoas con e sen discapacidade, que se fan iguais ao visibilizar que se poden ter as mesmas oportunidades no traballo, na escola, na rúa, na casa, cando viaxan, cando navegan por internet, cando utilizan servizos públicos, cando acceden á cultura, cando emprenden, cando deseñan e crean, cando practican deporte, cando fan tarefas rutineiras, cando se moven... iguais en oportunidades.
Esta esencia, levada ao propósito do que facemos, tráenos ata aquí, a estar presentes no día a día da sociedade, e levaranos ao futuro.
O obxectivo é construír un futuro moito máis xusto e responsable sen deixar a ninguén atrás, para que a discapacidade non constitúa por si mesma unha causa de discriminación. Se o logramos, calquera persoa, independentemente da súa condición, poderá ter as mesmas oportunidades en calquera ámbito da vida e acceder de maneira equitativa e xusta a un traballo, estudos ou servizos en igualdade de condicións. Para logralo, o Grupo Social ONCE pon o acento en catro eixes fundamentais que son a formación, o emprego, o labor social e a accesibilidade.
Os valores que nos moven
O Grupo Social ONCE traslada a súa idea forza e actitude de marca mediante un conxunto de valores: transparencia, solidariedade, confidencialidade, equidade, compromiso, integridade, humildade, respecto, innovación, responsabilidade e sostibilidade.
Ademais, existen unha serie de atributos que permiten construír a identidade do Grupo. Isto reflíctese a través das cores de Oncelio, o isotipo e representación visual de todo o que é o Grupo Social ONCE.
Amarillo
Verde
Rojo
Azul
Blanco
