Contigo, e coa ilusión das persoas que traballamos no Grupo Social ONCE, xeramos recursos en numerosas áreas de actividade e sectores da nosa economía, con presenza en todas as capitais de provincia e en centos doutras cidades e lugares de España.
lotería ONCE
facturación das empresas Ilunion
Capacidade de liderado
Estamos presentes en: loterías responsables, seguras e sociais; proxectos sociais, atención ao cliente, lavanderías, limpeza e medio ambiente, mantemento, seguridade, accesibilidade, clínicas de fisioterapia, residencias, asesoría de emprego, hoteis, comercialización, economía circular, tendas, comunicación, IT, seguros e emerxencias.
Quen di que non somos Iguais?
Cada día creamos máis e máis recursos que nos permiten seguir a reinvestir na sociedade o 100% dos nosos beneficios e así conseguir a igualdade de oportunidades para as persoas con discapacidade.
Comercializamos loterías responsables seguras e sociais, vesnos nas nosas tendas, recibímoste nos hoteis que temos para ti, tratamos o teu benestar nas clínicas de fisioterapia e saúde, coidamos dos maiores nas residencias ou asesorámoste nos teus seguros.
E se es unha empresa, atendemos milleiros de chamadas desde os centros de atención ao cliente e dámosche servizo coas lavanderías industriais, o mantemento integral, a seguridade, comunicación social, IT, facility services, limpeza, outsourcing, medio ambiente, e accesibilidade.
Todo, aínda así, facémolo sempre desde o noso propósito: xerar igualdade de oportunidades para as persoas con discapacidade.
O noso modelo de financiamento
A xeración de ingresos ten como obxectivo o investimento en acción social. E repártese en dúas fontes de financiamento do Grupo Social ONCE:
O 70% dos nosos ingresos prodúcense cando compras algunhas das modalidades de lotería responsable, segura e social a través dos nosos máis de 19.000 vendedores -as sentinelas da ilusión da ONCE-, outros establecementos colaboradores ou da nosa web de Xogos ONCE.
O outro 30% dos nosos ingresos tamén ven de ti: ao elixir os hoteis, os seguros, ou as clínicas e residencias de Ilunion. Ou, se es unha empresa, ao contar cos nosos servizos nalgunha área de actividade empresarial nas que traballan para ti máis de 36.000 persoas con e sen discapacidade.
Cada vez que contratas un dos produtos ou servizos a Ilunion pos ás persoas no centro, pola diversidade no seu cadro de persoal, cun 50% de mulleres, 27% de persoas con máis de 55 anos, 8% de persoas de nacionalidades diferentes á española e un 16% de persoas en risco de exclusión social.
Este é o noso compromiso: xerar valor para a sociedade mediante un modelo de negocio rendible desde o punto de vista económico, sen renunciar ao beneficio social.