No Grupo Social ONCE temos un firme compromiso coa sostibilidade e a loita contra o cambio climático. Como o facemos? Contribuíndo ao desenvolvemento dunha economía máis verde, baixa en carbono e máis inclusiva.
As persoas con discapacidade son un colectivo especialmente vulnerable ao cambio climático. Reflexionouse sobre isto no evento ‘Cambio climático, transición ecolóxica e persoas con discapacidade’.
Existe unha gran interdependencia entre a S de social e a A de ambiental (dentro dos aspectos ASG). Para que poida falarse de sostibilidade, todo avance en materia ambiental ten que incorporar tamén a vertente social.
Canto á adaptación ás consecuencias e impactos do cambio climático, no Grupo Social ONCE analizamos os principais riscos e oportunidades a ter en conta. Por iso, desenvolvemos iniciativas para aumentar a súa resiliencia, a dos seus activos, empregados e outros grupos de interese fronte aos impactos climáticos.
Para mitigar o cambio climático, traballamos na redución de emisións de gases de efecto invernadoiro mediante iniciativas coma: o melloramento da eficiencia enerxética das instalacións, o uso de enerxías renovables, o cambio de fontes enerxéticas nas actividades con máis emisións ou o pulo de accións para unha mobilidade máis sostible.
Defendemos a necesidade dunha transición verde xusta e inclusiva. No Grupo Social ONCE sempre poñemos ás persoas no centro, polo que non as queremos deixar atrás e ofrecerlles oportunidades de emprego e inclusión, coa accesibilidade como condición da transformación verde das nosas sociedades.
Que é o que máis motiva aos nosos traballadores de traballar en proxectos de sostibilidade? Cóntancho eles mesmos.
O compromiso coa sostibilidade do Grupo Social ONCE está na súa propia natureza e razón de ser. No Grupo e nas áreas que o compoñen temos o obxectivo esencial de xerar impacto social positivo, contribuíndo a facer realidade o principio de igualdade de oportunidades para as persoas con discapacidade.
No desenvolvemento do seu propósito, na súa estratexia e desempeño, integramos outras cuestións relacionadas co bo goberno, a xestión responsable ou o respecto polo medio ambiente. Tratamos de aplicar as mellores prácticas en materia de Responsabilidade Social Corporativa (RSC), cuxa denominación máis estendida na actualidade é a de sostibilidade, sempre tendo en conta a tripla perspectiva A (Ambientais), S (Sociais) e G (Gobernanza).
No desenvolvemento do seu propósito, na súa estratexia e desempeño, integramos outras cuestións relacionadas co bo goberno, a xestión responsable ou o respecto polo medio ambiente. Tratamos de aplicar as mellores prácticas en materia de Responsabilidade Social Corporativa (RSC), cuxa denominación máis estendida na actualidade é a de sostibilidade, sempre tendo en conta a tripla perspectiva A (Ambientais), S (Sociais) e G (Gobernanza).
Para o Grupo Social ONCE, a sostibilidade representa unha oportunidade para incidir na relevancia da perspectiva da discapacidade nas políticas e estratexias, públicas e privadas, desenvolvidas por terceiros nesta materia. A sostibilidade forma parte da nosa axenda de relacións institucionais e asuntos públicos.
As tres áreas executivas que compoñen o Grupo contan cunha Política de Sostibilidade e cunha estratexia ou Plan Director de Sostibilidade, que determinan o enfoque e asuntos prioritarios sobre os que traballar neste ámbito.
Temos incorporado compromisos e accións relativas á sostibilidade nos últimos Programas de Goberno e Plans de Desenvolvemento e Execución. No Código Ético do Grupo Social ONCE tamén incluímos a sostibilidade coma o valor número 11, reflexo da súa progresiva incorporación na nosa cultura corporativa.
As tres áreas executivas que compoñen o Grupo contan cunha Política de Sostibilidade e cunha estratexia ou Plan Director de Sostibilidade, que determinan o enfoque e asuntos prioritarios sobre os que traballar neste ámbito.
Temos incorporado compromisos e accións relativas á sostibilidade nos últimos Programas de Goberno e Plans de Desenvolvemento e Execución. No Código Ético do Grupo Social ONCE tamén incluímos a sostibilidade coma o valor número 11, reflexo da súa progresiva incorporación na nosa cultura corporativa.