O Grupo Social ONCE ten como propósito acadar a igualdade de oportunidades para persoas con discapacidade. E hai unha palabra que o fai posible: Inclusión!
A inclusión está nas accións que fas no día a día e dunha cousa estamos seguros: É imparable e queremos que sexas parte activa dela!
Queres saber como podes impulsar a inclusión? Contámoscho!
No emprego
A sociedade na que vivimos hoxe non entende de individualismos, senón do talento das persoas e do traballo en equipo. Contar cun cadro de persoal diverso enriquece calquera organización en todos os niveis, con tan só uns pequenos xestos!
Adaptar espazos, ambientes comúns, accesos, postos de traballo, xerar documentos accesibles... todo isto está na túa man para facer dos ambientes de traballo uns lugares inclusivos e con igualdade de oportunidades!
Preguntácheste algunha vez que é a economía social ou por que as empresas inclusivas teñen máis éxito? Coñece os elementos clave dos negocios inclusivos para que os incorpores ao teu.
Na educación
A educación e a formación son piares fundamentais para que as persoas con e sen discapacidade poidan acceder a un emprego e que fagan realidade os seus proxectos de vida. E que podes facer ti para contribuír a iso? Ofrecer igualdade de oportunidades nas aulas cos recursos necesarios adaptados a cada etapa formativa para que no futuro teñan as mesmas opcións que ti de acceder a calquera traballo. É así de fácil!
A que non coñecías as claves da educación inclusiva e por que cada vez é máis importante? No botón, contámosche máis!
No tempo de lecer
Gústache viaxar, visitar museos, ir ao cine ou, por exemplo, concertos e eventos deportivos? O lecer e o turismo aumentan enormemente o seu valor cando son inclusivos e están pensados para todos! Ramplas e entradas accesibles, contraste de cores nos letreiros, información en braille e lingua de signos, audiodescricións do espazo ou subtítulos en vídeos informativos son algunhas das cousas que podes facer para garantir que as actividades de lecer e culturais poidan, realmente, ser gozadas por todos.
Cando as actividades lúdicas son inclusivas, o beneficio é compartido por todos, pero sobre todo supón un enorme impulso á inclusión social e autonomía das persoas con discapacidade. Os museos, ximnasios, centros de lecer ou parques da túa cidade son inclusivos? Seguro que na túa contorna coñeces exemplos nos que podes poñer en práctica accións para que o lecer inclusivo sexa a norma e non unha excepción. Anímate!
Na innovación
Vivimos nunha era trepidante de innovación e avances onde todo avanza cada vez máis rápido. Pero, escoitaras falar algunha vez da innovación social? Esta é a que nos gusta e o seu propósito está moi claro: está pensada para mellorar a calidade de vida das persoas con discapacidade!
Calquera proxecto que promova a autonomía e, sobre todo, a inclusión das persoas con discapacidade é a que fai que todos rememos na mesma dirección e ninguén quede atrás. Tanto ten en que ámbito traballes, desde calquera sector, podes achegar moito valor! Deixámosche estes exemplos que che poden inspirar Reto ONCE Innova Emprendedores ou, por exemplo, este robot impulsado pola nosa área social, que lles permite ás persoas con discapacidade movérense por estacións e aeroportos con total liberdade.
Calquera proxecto que promova a autonomía e, sobre todo, a inclusión das persoas con discapacidade é a que fai que todos rememos na mesma dirección e ninguén quede atrás. Tanto ten en que ámbito traballes, desde calquera sector, podes achegar moito valor! Deixámosche estes exemplos que che poden inspirar Reto ONCE Innova Emprendedores ou, por exemplo, este robot impulsado pola nosa área social, que lles permite ás persoas con discapacidade movérense por estacións e aeroportos con total liberdade.
Deixámosche o noso asesoramento e algúns dos nosos servizos e consellos nas seguintes ligazóns:
