O noso novo modelo

Ti e máis eu somos a forza do Grupo Social ONCE. Facemos posible un modelo de innovación social que é reflexo dunha sociedade cada vez máis solidaria, comprometida e que hoxe é un exemplo no mundo. Coas nosas accións, estamos a conseguir que o futuro sexa máis inclusivo e estámolo facendo xa, es consciente?

Dar oportunidades a todas as persoas, con e sen discapacidade, e ser rendibles é posible. Non foi sempre doado, pero estámolo a conseguir.

Cambiamos a forma de ver a sociedade, non desde unha banda ou da outra, senón desde o mesmo. E, entre iguais, deixamos de ser ti e máis eu, para ser un, e poñemos todo o empeño en seguir a facelo.


EXPLÍCOCHE O MODELO

 

Consiste en reinvestir o 100% dos nosos beneficios para lograr a igualdade de oportunidades con todos incluídos. Implica demostrar que se pode pensar antes nas persoas sen deixar de ser rendibles.

 


Significa tamén unha responsabilidade coa xestión transparente deses beneficios, para que se transformen en oportunidades reais e palpables. Hoxe reinvestimos cada euro en proporcionar programas de formación en todas as etapas da vida, con educación, autonomía persoal e emprego de calidade para as persoas con discapacidade e para os que máis difícil o teñen.

 

A nosas tres áreas

Social

Implica que a discapacidade deixa de ser unha barreira para achegar valor en sociedade. Facémolo a través da ONCE, coas nosas loterías responsables, seguras e sociais desde hai 86 anos, sempre a carón das persoas con cegueira e baixa visión severa.

Fundacional

Significa que existen programas especializados coma os de Fundación ONCE, para que as persoas con calquera tipo de discapacidade ou en risco de exclusión social poidan realizar os seus proxectos de vida con total autonomía e en igualdade de condicións.

Empresarial

Pretende que as empresas teñan un equilibrio social e económico e, ao tempo, demostren ser excelentes na xestión con rendibilidade, equipos profesionais e os estándares de calidade máis elevados. As empresas Ilunion fano posible.
Contribuyendo con nuestro compromiso de crear un entorno más justo para todos Vivir, é máis que ver, é máis que oír, é máis que camiñar detrás dun bastón branco ou utilizar unha cadeira de rodas; é máis ca unha discapacidade que NON é o que nos define. Que nos define? O noso espírito de seguir adiante e de ganarnos o futuro; o noso talento de transformar para avanzar; a nosa forza para mellorar a sociedade que nos rodea. Todos xuntos, transformando vidas.
Somos economía social palpable e sostible
Miguel Carballeda
Presidente do Grupo Social ONCE

O Grupo Social ONCE é a suma de ONCE, Fundación ONCE e Ilunion cun mesmo propósito: a plena inclusión das persoas cegas e con outras discapacidades.

Somos un modelo único de inclusión, solidaridade, igualdade e prestación de servizos, cada vez máis especializados, que superan fronteiras.