ONCE Gizarte Taldearen helburua desgaitasuna duten pertsonentzako aukera berdintasuna lortzea da. Eta badago hori posible egiten duen hitz bat: Inklusioa!
Inklusioa egunerokoan egiten dituzun ekintzetan dago eta ziur gaude gauza batez: Geldiezina da eta zu horren parte aktiboa izatea nahi dugu!
Jakin nahi al duzu nola bultza dezakezun inklusioa? Esango dizugu!
Enpleguan
Gaur egun bizi garen gizarteak ez ditu indibidualismoak ulertzen, bai, ordea, pertsonen talentua eta taldekako lana. Lan-arloan pertsona-aniztasuna izateak edozein erakunde aberasten du maila guztietan, keinu txiki batzuk bakarrik eginda!
Espazioak, eremu komunak, sarbideak, lan-postuak egokitzea, dokumentu irisgarriak sortzea… hori guztia zure esku dago lan-eremuak leku inklusibo eta aukera-berdintasuneko bilaka daitezen!
Inoiz galdetu al diozu zeure buruari zer den gizarte-ekonomia edo zergatik diren arrakastatsuagoak enpresa inklusiboak? Ezagut itzazu negozio inklusiboen funtsezko elementuak, zeurean sar ditzazun.
Hezkuntzan
Hezkuntza eta prestakuntza funtsezko zutabeak dira desgaitasuna duten eta ez duten pertsonak laneratu daitezen eta euren bizi-proiektuak errealitate bilakatu ditzaten. Eta zer egin dezakezu zuk horretan laguntzeko? Ikasgeletan aukera-berdintasuna eskaintzea, prestakuntza-etapa bakoitzean behar diren baliabide egokituekin, etorkizunean edozein lan eskuratzeko zuk dituzun aukera berberak izan ditzaten. Hori bezain erraza!
Ez zenekien zein diren hezkuntza inklusiboaren gakoak eta zergatik den gero eta garratzitsuagoa, ezta? Botoia sakatuta, gehiago kontatuko dizugu!
Aisialdian
Gustatzen al zaizu bidaiatzea, museoak bisitatzea, zinemara joatea edo, adibidez, kontzertuetara edo kirol-ekitaldietara? Aisialdiak eta turismoak ikaragarri handitzen dute beren balioa inklusiboak direnean eta guztiontzat pentsatuta daudenean! Besteak beste, honako hauek egin ditzakezu guztiek goza ditzaten aisialdia eta benetako kultura: arrapalak eta sarrera irisgarriak, koloreen kontrastea karteletan, informazioa Braillen eta zeinu-hizkuntzan, espazioaren audiodeskribapena edo azpitituluak bideo informatiboetan.
Jarduera ludikoak inklusiboak direnean, guztiek partekatzen dute onura, baina, batez ere, izugarrizko bultzada eman diete desgaitasuna duten pertsonen gizarte-inklusioari eta autonomiari. Zure hiriko museoak, gimnasioak, aisiaguneak edo parkeak inklusiboak al dira? Ziur aski zure ingurunean ezagutzen dituzu praktikan jar ditzakezun adibideak aisialdi inklusiboa salbuespena izan beharrean araua izan dadin. Anima zaitez!
Berrikuntzan
Berrikuntza- eta aurrerapen-garai bizkor-bizkorrean bizi gara, non gauza guztiek gero eta arinago egiten duten aurrera. Baina, inoiz entzun al duzu gizarte-berrikuntzaz hitz egiten? Hori dugu gustuko eta oso helburu argia du: desgaitasuna duten pertsonen bizi-kalitatea hobetzeko pentsatuta dago!
Desgaitasuna duten pertsonen autonomia eta, batez ere, inklusioa bultzatzen duen edozein proiektuk eragiten du guztiok norabide berean jardutea eta inor atzean ez geratzea. Berdin da zein arlotan egiten duzun lan, edozein sektoretatik balio handia eman dezakezu! Hona hemen ONCE Innova Ekintzaileak Erronkaren adibide hauek, inspira zaitzaketenak, edo, esate baterako, gure gizarte-arloak bultzatutako robot hau, desgaitasuna duten pertsonei geltokietatik eta aireportuetatik askatasun osoz mugitzeko aukera ematen diena.
Esteka hauetan dituzu gure aholkularitza eta gure zerbitzu eta aholku batzuk:
