Código ético e normativas
O Grupo Social ONCE é membro dos consorcios internacionais Asociación Mundial de Loterías (WLA) e Asociación Europea de Loterías (EL). Subscribe, desenvolveu e practica os principios máis estritos do xogo responsable, que empezan con tres máximas internacionalmente aceptadas:
- Prohibición de acceso ao xogo a menores de idade, persoas incapacitadas ou que teñan prohibido o seu acceso ao xogo
- Prevención do xogo excesivo en todas as súas redes de venda
- Prevención da fraude, do branqueo de diñeiro e do financiamento do terrorismo
No Grupo Social ONCE destacamos os posibles riscos do xogo cando non se xoga de forma responsable, xa que cando non se fai por gozo, deixa de ser un xogo. Para a maioría das persoas, os xogos de azar son simplemente un entretemento, unha forma de probar sorte ou unha actividade para relacionarse cos demais pero, como ocorre con outros ámbitos da vida, diversas circunstancias poden conducir a unha práctica abusiva ou prexudicial para a persoa que o practica.
Desde que no ano 1992 a Organización Mundial da Saúde (OMS) recoñece que o xogo pode converterse nun trastorno de conduta baseado no xogo impulsivo, chegando a dominar a vida das persoas en prexuízo dos seus valores e das súas obrigas familiares, sociais, económicas e laborais, a ONCE actúa en consecuencia para evitar estes riscos cunha ampla acción das seguintes maneiras:
- Informa periodicamente aos seus empregados sobre os programas de Xogo Responsabl
- Os empregados en contacto directo co consumidor reciben formación especializada, reforzando elementos como a prohibición expresa de venda a menores de idade ou a crédito
- Formación aos integrantes de canles de distribución das loterías distintos dos vendedores
- Utilización dunha ferramenta que analiza os niveis de risco das súas loterías para, antes de iniciar a comercialización, avaliar e modificar os deseños ata que se evite o risco ou se sitúe en parámetros aceptables
- Adopción dun código regulador de Publicidade e Márketing para evitar o fomento do xogo entre os menores de idade, o xogo excesivo, información enganosa, ou falsas impresións sobre as probabilidades de ganar
Por outra parte, a ONCE definiu unha estratexia de diálogo cos grupos de interese en xogo responsable, para integrar as achegas que deriven diso, e impulsou unha Cátedra Extraordinaria de Investigación en Xogo Responsable e a súa Comunicación conxuntamente con expertos da Universidade Complutense de Madrid, para analizar esta realidade e dar a coñecer as mellores prácticas..
A ONCE pon a disposición dos seus clientes a posibilidade de autoexcluírse de participar nos produtos de lotería de JuegosONCE, así como fixar límites, ao tempo que establece un tope de compra na súa opción online moi inferior ao recomendado pola normativa ao respecto. E subscribiu un acordo con FEJAR (Federación Española de Xogadores de Azar Rehabilitados, referencia asociativa maioritaria en España) para poñer en marcha campañas de sensibilización, xornadas e iniciativas, así como poder derivar aos que teñen interese niso
Por último, a páxina web de juegosonce.es ofrece unha serie de servizos moi útiles: o teléfono 900 200 225, anónimo, gratuíto e confidencial, atendido por expertos en identificación e intervención en problemas de xogo; enlaces coa Dirección Xeral de Ordenación do Xogo (DGOJ) con máis información; Qustodio, un sistema de control paterno para evitar que os menores poidan acceder a páxinas con estes servizos; ou un sistema de detección de comportamento de risco mediante un test de autodiagnóstico para poder saber a propia realidade.